လုပ်ငန်းခွင် ဆရာ၊ ဆရာမများအတွက် တတိယတန်း သင်ရိုးသစ် မိတ်ဆက်သင်တန်း (ဗဟိုအဆင့်) ကျင်းပပြုလုပ်

13 Feb 2019

လုပ်ငန်းခွင် ဆရာ၊ ဆရာမများအတွက် တတိယတန်း သင်ရိုးသစ် မိတ်ဆက် သင်တန်း (ဗဟိုအဆင့် နည်းပြသင်တန်း) ကို ဇန်နဝါရီလ (၂၁) ရက်နေ့မှ ဖေဖော်ဝါရီလ (၈) ရက်နေ့ အထိ  ထောက်ကြန့်ရှိ ပညာရေးစီမံခန့်ခွဲမှု  သင်တန်းကျောင်းတွင် ကျင်းပပြုလုပ်ခဲ့ရာ ပညာရေးကောလိပ်များမှ သက်ဆိုင်ရာ ဘာသာရပ်အထူးပြု ဆရာ၊ ဆရာမများ တက်ရောက်ဆွေးနွေးခဲ့ကြပါသည်။ ရက်သတ္တ သုံးပတ်တာ ကြာမြင့်သည့် အဆိုပါသင်တန်း၏ ပထမအသုတ်တွင် တတိယတန်း သင်ရိုးသစ် သင်္ချာ၊ သိပ္ပံ နှင့် လူမှုရေး ဘာသာရပ်၊ ဒုတိယအသုတ်တွင် မြန်မာစာ၊ အင်္ဂလိပ်စာ၊ စာရိတ္တနှင့် ပြည်သူ့နီတိ နှင့် အနုပညာ (ပန်းချီ)၊ တတိယအသုတ်တွင် ဘဝတွက်တာ ကျွမ်းကျင်စရာ၊ အနုပညာ (ဂီတ) နှင့် ကာယပညာ တို့ကို သင်တန်းပေးပို့ချပေးခဲ့ပြီး ယခု ဗဟိုအဆင့် တက်ရောက်သူ ဆရာ၊ ဆရာမများသည် ဆက်လက် ကျင်းပမည့် တိုင်းဒေသကြီးနှင့် ပြည်နယ်အဆင့် တတိယတန်း သင်ရိုးသစ် မိတ်ဆက်သင်တန်းတွင် သင်တန်းနည်းပြများ အဖြစ် သက်ဆိုင်ရာ ဘာသာရပ် အသီးသီးကို ပြန်လည် ပို့ချသွားကြမည် ဖြစ်သည်။ သင်တန်းတွင် တတိယတန်း သင်ရိုးသစ်၏ ဘာသာရပ်အသီးသီး လက်တွေ့သင်ကြားပို့ချခြင်းဆိုင်ရာများနှင့် အတူ စာသင်ခန်းအတွင်း စစ်ဆေးအကဲဖြတ်ခြင်း တို့ကိုလည်း မိတ်ဆက်ဆွေးနွေးမှုများ ပြုလုပ်ခဲ့ကြပါသည်။

လုပ်ငန်းခွင် ဆရာ၊ ဆရာမများအတွက် တတိယတန်း သင်ရိုးသစ် မိတ်ဆက်သင်တန်း၏ တိုင်းဒေသကြီးနှင့် ပြည်နယ် အဆင့် သင်တန်းများကို ဧပြီလ (၁) ရက်နေ့မှ (၁၀) ရက်နေ့အထိ၊ ခရိုင်အဆင့် သင်တန်းများကို ဧပြီလ (၂၂) ရက်နေ့မှ မေလ (၈) ရက် ရက်နေ့အထိ နှင့် မြို့နယ်အဆင့် သင်တန်းများကို မေလ (၁၀) ရက်နေ့မှ (၂၅) ရက်နေ့အထိ မြန်မာတစ်နိုင်ငံလုံးတွင် အဆင့်ဆင့် ကျင်းပပြုလုပ်သွားမည် ဖြစ်ပါသည်။

close